.jpg)
It-Tielet Hadd tal-Avvent :-
SPJEGAZZJONI TAL-VANGEL TA' LLUM
Din il-mistoqsija nagħmluha aħna wkoll
illum: INT MIN INT, ĠESÙ TA’ NAZARET?
Ejjew niflu l-karta tal-identità ta’ dan
Ġesù. Il-karta tal-identità ikun fiha dan it-tagħrif:
1.
Min int
2.
X’tagħmel
3.
X’tgħallem
4.
L-indirizz fejn toqgħod.
Ejjew inħarsu lejn il-karta tal-identità
ta’ Kristu.
L-EWWEL PUNT: MIN INT, ĠESÙ TA’ NAZARET?
Kristu
hu bniedem u Alla. Għalhekk hu jissejjaħ:
1.
Bin il-bniedem:
a. “Kien meħtieġ li bin il-bniedem ibati ħafna.” (Mk 8,31)
2.
u Bin Alla:
a. Ġesù ċanfar lill-Fariżej: “Jien u l-Missier aħna ħaġa waħda. Mela lili
kif tgħiduli ‘qed tidgħi?’ għax għidtilkom li jien bin Alla?” (Ġw 10,30.36)
ĠESÙ BNIEDEM PERFETT
Il-Kardinal Giacomo Biffi hekk jiddeskrivi
lil Ġesù:
“Kien bniedem dħuli, iħobb in-nies
sempliċi. Leħnu jsaħħrek; għajnejh jinfduk; moħħu ċar. Jinteressa ruħu
fil-ħajja ta’ kuljum; iħobb id-dritt u s-sewwa. Jaf iħoss. Ħabib ta’ kulħadd;
jagħder lill-midinbin; jinfaqa’ jibki quddiem id-dmugħ tal-oħrajn. Jaf jifraħ.
‘Bħalna f’kollox barra mid-dnub,’ kif jgħid San Pawl.
ĠESÙ HU BIN ALLA
Mhux biżżejjed li nħarsu lejn il-figura
umana tiegħu. Ġesù hu uniku, għax barra li hu bniedem, hu wkoll Alla. Għalhekk
qal għalih innifsu:
“Jien il-qawmien u l-ħajja...
Jien il-ħobż ħaj li niżel mis-sema...
Jiena d-dielja...
Jiena rbaħt lid-dinja...
Jien sejjer inħejjilkom post...
Jien ir-ragħaj it-tajjeb.” ACM
