.jpg)
Il-festi tal-Kwaranturi Mqaddsa ccelebrati fil-Knisja ta' San Pawl f'Marsalforn kienu organizzati tajjeb hafna. Meta xi xhur ilu, il-Kappillan Dun Mikiel Borg introduca mumenti ta' Adorazzjoni Ewkaristika bejn il-Quddiesa tas-6.00pm u dik tas-7.30pm, kien hemm min haseb li dan ser ikun esperiment li jfalli. Dan assolutament ma kienx il-kaz. Il-Kwaranturi kienu l-qofol ta' din il-prattika ta' devozzjoni mfahhra hafna mill-Knisja. Il-mod kif kienet imzejna l-Knisja ghall-okkazjoni zgur li ghen sabiex l-insara setghu jerfghu mohhhom u qalbhom lejn Alla prezenti realment fis-Sagrament ta' l-Ewkaristija. L-organizzazzjoni tal-kant u l-hsibijiet li saru waqt il-jiem tat-Tridu u l-jum propju tal-festa kienu jixhdu l-impenn ta-Kappillan u ta' dawk kollha involuti fil-Liturgija biex jirrendu din il-festa tal-Kwaranturi bhala appuntament principali fil-hajja tal-komunita' ta' Marsalforn. Awguri ghal aktar attivitajiet religjuzi li jkomplu jaghtu lill-komunita' ta' San Pawl f'Marsalforn l-identita' li tixirqilha!"
Ivan Attard - Xaghra
___________________________________________________________
IL-KWARANTURI
F’ MARSALFORN
minn
Lucia Said
Fil-Knisja ta’ Missierna San Pawl F’Marsalforn, imzejna kif jixraq ghall-festi, bhal dawn, saru tliet ijiem ta’ Adorazzjoni quddiem Ġesu` Sagramentat. L-esposizzjoni ta’ Ġesu` Sagramentat għall-pubbliku, saret mit-8.30pm. sa nofs il-lejl. Il-ġranet kienu il-Ħamis, il-Ġimgħa u s-Sibt , 20, 21 u 22 t’Awissu.
L-ewwel lejl tal-Kwaranturi kien immexxi mill-Mons. Dun Rużar Borg, it-tieni lejl kien immexxi minn Mary Xerri u l-aħħar lejl dak tas-Sibt mexxa David Fenech. Il-Kappillan Kan. Mikiel Borg ir-Rettur ta’ Marsalforn, għalaq dawn it-tliet iljieli f’nofs il-lejl tas-Sibt b’qudiesa komunitarja.
Il-qofol ta’ dawn it-tliet iljieli kien il-Ħadd 23 t’Awissu bil-Konċe1ebrazzjoni tas-7.30pm. li tmexxiet mill-E.T. Mons. Isqof Mario Grech li kien assistit minn Dun Franz Refalo u Dun Salv Grima. Il-quddiesa kienet animata mill-Kor Nativitas taħt id-direzzjoni ta’ Silvana Agius u l-organista Ivan Attard.
X’ħin spiċċat il-funzjoni ta’ ġewwa, bdiet ħierġa l-purċissjoni mmexxija mill-E.T. Mons Isqof bis-Santissimu Sagrament. Ġesu` mexa mat-toroq prinċipali tal-Bajja ta’ Marsalforn, akkumpanjat b’numru sabiħ ta’ fratelli, abbatini, u ġemgħa sabiħa tan-nies li ġew minn kull parroċċa t’Għawdex, li ngħaqdu mal-velleġjanti li jiġu Marsalforn kull sena. Matul il-purċissjoni ngħad ir-Rużarju.
Il-jum tal-Ħadd, Marsalforn kien miżgħud bin-nies li ġew għall-mistrieħ ta’ filgħaxija u li taw qima u rispett lil Ġesu` Sagramentat waqt li kien għaddej minn quddiemhom, sew jekk kienu f’xi restaurant , f’xi bar jew jekk kienu jistrieħu għaż-żiffa ħelwa tal-baħar.
Il-purċissjoni spiċċat bil-Barka Sagramentali mill-E.T. Mons. Isqof fil-Knisja Ta’ San Pawl.
