.jpg)
Riflessjoni fuq il-Vangelu -
DAN IL-ĦARUF TA’ ALLA !
KIF SER INEĦĦI
D-DNUBIET TAD-DINJA?
Waħda mill-isbaħ bċejjeċ ta’ mużika li kiteb il-kompożitur Mozart hi l-“Agnus Dei” (Il-Ħaruf ta’Alla), li Mozart kiteb għall-Quddiesa tal-Inkurunazzjoni.
Xi snin ilu, din il-quddiesa ġiet eżegwita fil-Bażilika ta’ San Pietru, u mexxa l-orkestra l-magħruf direttur ta’ fama mondjali Herbert Von Karajan.
Xħin id-direttur tal-orkestra wasal fil-“Ħaruf t’Alla”, id-dmugħ beda jġelben ma’ ħaddejh. Xħin staqsew lid-direttur xi ġralu, stqarr: “Mozart tant fehem min hu l-Ħaruf t’Alla (Kristu), li kkompona l-iktar mużika espressiva li tmiss u tqanqal il-qalb.” (Ara l-ktieb Il mio Gesù. Omeliji tal-Kardinal Christoph Schoborn.)
Xi jfisser
“tneħħi”?
Mhux sempliċement twarrab jew tħassar. Ifisser li
(il-Ħaruf) jieħu fuqu u jħallas għad-dnubiet tal-oħrajn.
U liema
dnubiet?
Mhix ċajta. Dan il-Ħaruf divin tgħabba
bit-tagħbija tad-dnubiet tal-bnedmin kollha ta’ kull żmien. Id-dnubiet
-
taċ-ċaħda ta’ Alla
-
tal-infedeltajiet kollha
-
tal-inġustizzji kollha
-
tad-delitti kollha
-
tad-diżonestajiet kollha.
Hija tagħbija li ħadd ma jiflaħha. Aħseb u ara
ħaruf ġwejjed. Imma hekk ġara!
-
Kristu, li ma kellu ebda dnub,
patta għad-dnubiet kollha.
-
Hu li ma jaħti xejn, laqqat
fuqu l-kastig li kien ħaqqna aħna.
-
Kristu l-innoċenti rċieva meta
mewta ta’ kriminal biex ipatti għall-ħatjin.
Kif ħabbar il-profeta Isaija: “Bħal ħaruf sejjer
għall-qatla, u bħal nagħġa mbikkma f’id min iġiżża, ma fetaħx fommu.” (Is 53,7)
Konklużjoni
Kellu raġun San Pietru jgħidilna: “Kunu afu li
intom ġejtu mifdija mhux bil-fidda jew bid-deheb imma bid-demm għażiż ta’
Kristu, li kien bħal ħaruf bla għajb u bla tebgħa.” (1 Piet 1,19)
